Dosier, 6 skandalet që po e çojnë qeverinë greke drejt greminës
Agjencia e njohur e lajmeve Rojters ka publikuar sot të listuar gjithë skandalet që njohu qeveria greke e drejtuar Karamanlis. Sot Greqia gjendet në protesta të dhunushme, që njohën ritme të mëda pas vdekjes së një 15 vjeçari, që u qëllua nga policia gjatë një proteste 5 ditë më parë.
Edhe sot protestuesit hodhën bomba mbi policët para jashtë parlamentit. Greva përgjithshme e paralizoi Greqinë si dhe ka krijuar një gjendje të tensionuar për qeverinë konservatore.
Këto janë 6 skandalet kryesore që i faturohen qeverisë greke:
Skandali Vatopedi ne shtator 2008:
Ministri grek i Marinës Tregtare, Jorgos Vulgaraqis dha dorëheqjen pas kritikave të shumta nga vetë Partia Demokratike për shitblerjet e pronave, përfshirë marrëveshjen për tokën mes shtetit dhe manastirit të pasur të Vetopedit ku bashkëshortja e tij ishte agjente shitje. Ai këmbënguli se nuk kishte bërë asgjë të paligjshme, por ministri i Financave anuloi marrëveshjen si dhe një hetim i ligjshëm tregoi që ai ishte i përfshirë në marrëveshjen e tokës për të cilën media deklaroi se u kushtoi taksapaguesve rreth 100 milionë euro. Parlamenti ngriti një komision hetimi në tetor si dhe në të njëjtën ditë një nga ndihmësit më të afërt të ministrit si dhe ministri i Shtetit, Teodor Rusopulos dha dorëheqjen për rolin e tij të dyshimtë në çështjen e tokës mes manastirit dhe shtetit. Rezultati i hetimit parlamentar pritet në dhjetor.
Kontratat e anijeve ne gusht 2008:
Prokurorët hapën një hetim pasi një pronar anijesh që deklaroi se i kishte dhënë ryshfet një zyrtari në zyrën e ish-ministrit për Egjeun, Aristotelis Pavlidhis si shpërblim për të bërë të mundur që anija të kishte itinerare fitimprurëse. Pavlidhis e mohoi faktin që ndihmësi i tij kishte marrë ryshfet, si dhe ka pasur mbështetjen e qeverisë.
Siemens ne maj 2008:
Greqia po heton nëse kompania gjermane ''Siemens'' i kishte dhënë ryshfet kompanive dhe zyrtarëve për të fituar marrëveshjet përfshirë kontratën e sigurisë për Lojërat Olimpike të 2004-s. Një prokuror ka skeduar akuzat si dhe një gjykatë ka nisur hetim. Një gjykatë gjermane dënoi ish-drejtuesin e ''Siemens''-it, Reinhard Siekaczek në korrik për rolin e tij në vendosjen e fondeve të sheshta të përdorura për të fituar kontrata. ''Siemens'' ka paguar të paktën 1,3 miliardë euro si pagesa të dyshimtë.
Seks, genjeshtra dhe DVD ne shkurt 2008:
Ish-ministri i Kulturës, Hhristos Zahopoulos dha dorëheqjen dhe u hodh nga ballkoni i shtëpisë së tij që gjendej në katin e pestë pasi u publikua një DVD që e tregonte teksa kryente marrëdhënie seksuale me asistenten e tij. Atë që media e quajti si skandalin e "seksit, gënjeshtrave dhe DVD-ve" tronditi popullin grek. Zahopulos arriti t'i mbijetonte rënies.
Punonjesit indian ne dhjetor 2007:
Ministri i Punës, Vasilis Maginas dha dorëheqjen pasi shtypi grek deklaroi se ai kishte punësuar një familje indiane të pasiguruar në shtëpinë e tij në fshat. Skandali ndodhi në kohën e reformave të pensionit që u kundërshtuan fuqishëm nga sindikatat. Ai mohoi faktin duke thënë se indianët ishin miqtë e tij.
Hipotekat ne mars 2007:
Rreth 280 milionë euro të publikuara në shkurt të 2007-s nga Ministria e Financave si dhe të nënshkruara nga JP Morgan, kaluan përmes disa komisionerëve para se të përfundonin në fondin e pensioneve të shtetit me vlera të rritura. Ministri i Punës, Savas Cituridhis u largua nga detyra si dhe marrëveshja u kthye mbrapsht. Prokurorët kanë bërë të ditur me qindra akuza nga shkelje deri në pastrim parash, por nuk kanë bërë të ditur emra. Hetimet vazhdojnë.