Drejt Forumit të 5. Botëror të Ujit

Stamboll - Stambolli po përgatitet për takimin e madh të ujit... Pritet që pas "Habitatit" i cili ishte organizimi më i madh para disa vitesh në Stamboll, për Forumin Botëror të Ujit të vijnë në këtë qytet 30 mijë njerëz. Të gjitha aspektet e Forumit të 5. Botëror të Ujit do të hapen për diskutim në qendrën e kongreseve në Sytlyxhe (Sütlüce) të Stambollit.

Liderët do të takohen për të diskutuar mënyrat që duhen përdorur për të penguar një luftë të mundshme të ujit në shekullin e 21-të. Në Forum për herë të parë këtë vit do të organizohet edhe një samit i vogël. Adresa e këtij samiti i cili do të drejtohet prej Presidentit Abdullah Gyl është Pallati Çëraan ( Çırağan)...

Në këtë samit do të marrin pjesë një sërë autoritetesh të larta të institucioneve të ndryshme ndërkombëtare. Presidenti i Irakut Xhelal Talabani është një prej pjesëmarrësve në këtë organizim.

Njëkohësisht me Forumin Botëror të Ujit, në Stamboll do të hapen edhe ekspozita të ndryshme.