Drejtori i QSUT, pret ambasadoren e Gjermanise

Drejtori i Qendres Spitalore Universitare "Nene Tereza", Saimir Ivziku, priti ne nje takim ambasadoren e Gjermanise, znj. Carola Müller-Holtkemper, si dhe nje perfaqesi nga kjo ambasade. Gjate takimit, Ivziku e ka njohur perfaqesuesen diplomatike gjermane me specifikat e sistemit shendetesor shqiptar dhe nevojat dhe sfidat, me te cilat perballet ky sistem. Z. Ivziku vleresoi marredheniet e mira te bashkepunimit mes dy vendeve ne fushen e shendetesise. Gjate takimit, Drejtori i QSUT-se e ka njohur ambasadoren Holtkemper me drejtimet kryesore, ne te cilat eshte fokusuar Qendra Spitalore Universitare ne keto vitet e fundit, duke e vene theksin ne procesin e edukimit ne vazhdim, sistemin e referimit, bashkepunimit dhe hapjes se ketij institucioni me spitale simotra ne te gjitha vendet Europiane, por edhe me gjere. Ambasadorja Holtkemper dhe Drejtori Ivziku gjate bisedes se tyre kane diskutuar dhe mbi ecurine e plan-veprimit mes dy vendeve. Znj Holtkemper ka theksuar se qeveria gjermane eshte perfshire ne nje sere projektesh me qeverine Shqiptare dhe kjo per rritjen e jeteses, si dhe plotesimin e standardeve per te shkuar drejt BE-se. Nderkohe qe u fol edhe per projekte konkrete ne fushen e shendetesise dhe konkretisht eshte shprehur dhe rendesia e vendosjes se nje komunikimi te vazhdueshem mes dy vendeve tona ne fushen e shendetesise, pjese e nje historie te suksesshme bashkepunimi qe daton ne vite, kryesisht ne shkembimin e eksperiencave dhe trajnimin e mjekeve shqiptare.