Drejtori i Ujësjellësit harxhon miliona euro për godinën, qytetarët thahen për ujë
Tirana, është në krizë të plotë për ujin e pijshëm. Panoramën e dhimbshme ku qytetarë nga të gjitha moshat kudo në lagjet periferike, në kryeqytetin e një mijë e një qiellgërvishtësve i sheh me bidona në duar, i plotëson edhe kuadri se
pothuajse në çdo shtëpi rubinetet janë tharë për ujë, edhe pse qytetarët duhet të paguajnë të gjitha faturat e ujësjellësit. Si të mos mjaftonte kjo, vetë drejtori i Ujësjellësit Seit Dollapi premton dita ditës së qytetarët do të kenë në shtëpitë e tyre ujë të pijshëm e të rrjedhshëm 24 orë non stop. Por nga të gjitha gjasat këto fjalë janë vetëm premtime të radhës pasi në vend të qytetarëve furnizohen puset e pompat e lavazheve të panumërta që kanë mbirë në kryeqytet si kërpudhat pas shiut. Kreu i ujësjellësit Dollapi, ka nisur kohët e fundit nje aksion ku ka ndërprerë sipas tij të gjitha tubacionet e paligjshme të ujësjellësit, duke lënë kështu të thahen për pikën e ujit rreth 40 mijë familje vetëm në zonat periferike. Ndërkohë edhe zonat në qendër të Tiranës apo edhe në zonat e tjera vuajnë prej 6 muajsh, mungesën e ujit, ndërkohë që kanë edhe probleme me mbifaturimet apo edhe me pritjen për orë të tëra mbrapa sporteleve të drejtorisë së Ujësjellësit.
Për më tepër lexoni "Gazeta Sot"