"Dru" ne hashash, pranga 5 studenteve

GJIROKASTER- Telefonata "spiune" con agjentet e antidroges se Gjirokastres ne konviktin e studenteve meshkuj, ku ka gjetur 5 te rinj te bere "dru" ne hashash. Pese studente te Universitetit "Eqerem Cabej" rane ne prangat e policise vendore, pasi u kapen ne flagrance ne nje nga dhomat e katit te katert te konviktit mbremjen e se martes duke pire droge. Gjithashtu si prove materiale eshte sekuestruar 11.2 gr hashash, ndersa dyshohet edhe per shitje te narkotikut te kliente te tjere, studente ne kete universitet. Kontrolle jane kryer edhe ne konviktin e nxenesve te shkolles se mesme Pedagogjike ne Gjirokaster. Te ndaluarit jane E. E., 25 vjec, dhe R. S., 23 vjec, nga Mallakastra, M. B., 22 vjec, nga Berati, M. R., 21 vjec, nga Tirana dhe M. M., 22 vjec, nga Permeti, i cili mendohet te kete siguruar edhe lenden narkotike. Studentet vazhdonin vitet e treta dhe te katerta ne universitet per dege shoqerore dhe ekzakte.
Ka qene ora 19:00 kur Policia e Gjirokastres eshte njoftuar nga persona brenda konviktit te djemve se ne nje prej dhomave po konsumoheshin cigare hashashi. Burime zyrtare konfirmuan se ishin njoftuar ne rruge operative. "Ne katin e katert te konviktit ku jane akomoduar studentet meshkuj, te Universitetit "Eqrem Cabej", ne njeren nga dhomat jane gjetur 5 studente te cilet ishin duke konsumuar cigare me lende narkotike hashash. Nga kontrolli rezultoi se ne afersi te dritares se kesaj dhome u gjet nje sasi e dyshuar si lende narkotike ne leter plastmasi transparente, me peshe 11,2 grame", tha zedhenesi Gentjan Mullai dje per gazeten "KJ". Por policine nuk e ka shqetesuar me shume sasia e kapur e droges, sesa dukuria se studentet e pakontrolluar pinin droge ne dhoma dhe mbanin lende narkotike per kliente te ndryshem. Ndaj brenda disa oresh jane verifikuar te gjitha konviktet ne qytet, pa mundur te zbulohet ndonje rast tjeter. Studentet ishin nga qytete te ndryshme dhe dyshohet se nje prej tyre ka siguruar lenden narkotike, duke ia servirur shokeve. Ndaj pese te ndaluarve jane ngritur akuzat e "prodhimit dhe shitjes se lendeve narkotike", pasi askush prej tyre nuk e ka marre persiper pergjegjesine e sigurimit te hashashit. Dyshohet se mund te kete qene edhe nje person jashte universitetit dhe konvikteve qe mund t'ua kete shitur drogen studenteve. Hetimet per kete ngjarje po i ndjek prokuroria, mbeshtetur ne veprimet e policise vendore.
A. Qoraj

Te arrestuar:
E. E., 25 vjec, Mallakaster, student
M. B., 22 vjec, Berat, student
M. R., 21 vjec, Tirane, student
R. S., 23 vjec, Mallakaster, student
M. M., 22 vjec, Permet, student