Duka-presidentet, sot kunder MTKRS-se?

Do te takohen sot ne ambientet e FSHF-se presidenti Duka dhe kreret e 12 klubeve te superliges. Ashtu sic u vendos ne takimin e se shtunes, mbledhja e radhes mes komitetit ekzekutiv dhe "rebeleve" do te behet per te vendosur disa piketa, mes te cilave berjen te mundur te anulimit te vendimit te FIFA-s. Megjithate dicka tjeter mund te ndodhe, nje skenar i ri, i cili mund te sjelle permbysjen e marredhenieve aktuale: nje pakt mes Dukes dhe klubeve. Fakt eshte se diten e shtune, pas takimit te pare mes tyre, klubet kane theksuar se do t'i kerkojne ministrise shpjegime dhe se kete gje kane ndermend ta bejne neser, duke shkuar ne nje takim me shefin e dikasterit te sporteve. Ministri Pango mund te kapet ne befasi nga nje aleance e mundshme, por, megjithate, ende nuk dihet se ku do te cojne realisht bisedimet e sotme. Ne mbledhje nuk do te jete vetem kreu i Federates se Futbollit, Armand Duka, por krejt Komiteti Ekzekutiv, qe do te marre ne shqyrtim ankesat e klubeve, te cilat rrotullohen ne nje te vetme: perjashtimin nga kompeticionet evropiane, perjashtim qe sjell nje dem te jashtezakonshem ne arkat e dobeta te klubeve te superiores.

Kryeqytetaset ndajne stadiumet

Te tre klubet e kryeqytetit do te luajne kete fundjave ne Tirane, ndaj federata eshte zene ne hall per t'i kenaqur te treja. Keshtu, sektori i garave pas bisedimeve me klubet, ka vendosur qe Partizani-Kastrioti te zhvillohet te shtunen ne "Qemal Stafa", Dinamo-Teuta te dielen ne "Selman Stermasi" dhe kampionet e Tiranes do te luajne te premten po ne "Selman Stermasi".