Durres-Kukes, deputetet ne Komisionin Parlamentar Hetimor “semuren” nga skleroza

Ndonese jane zhvilluar disa mbledhje, nuk dihet zyrtarisht se kur ka filluar pune Komisioni Hetimor per “Durres-Kukes”. Deputetet nuk debatojne per shkak te mosnjohjes se ligjit
Erald Kapri

Paragjykimet per komisionet hetimore se nuk arrijne te kryejne misionin e tyre edhe per shkak te menyres se funksionimit, kesaj radhe duket se kane qelluar ne shenje. Komisioni Hetimor Parlamentar per hetimin e procedurave te tenderit te rruges Durres-Kukes, nuk di zyrtarisht se kur ka filluar dhe kur duhet te mbaroje pune. Pavaresisht mungeses se ketij identiteti juridik, anetaret e komisionit, mbas tre mbledhjeve te deritanishme, do t’i kerkojne edhe nje muaj shtese Kuvendit per te punuar, sepse nuk u mjafton koha tremujore. Ndonese Komisioni Hetimor Parlamentar per rrugen Durres-Kukes eshte mbledhur disa here, zyrtarisht puna e ketij komision nuk eshte juridikisht e percaktuar sipas deputeteve. Mungesa e njohurive juridike te deputeteve ka bere qe Komisioni Hetimor t’i nise nje leter zyrtare Kuvendit per te percaktuar diten e punimeve te tij. Zyrtarisht komisioni ka nje afat prej tre muajsh per te mbyllur aktivitetin e hetimit te procedurave te tenderimit te Durres-Kukes, ku ne fund duhet qe te paraqese edhe raportin ne Kuvend. Debatet brenda komisionit jane rritur ne lidhje me kete çeshtje. Percaktimi i ketij afati ka hapur edhe piken e dobet ne ketij Komisioni, i cili zyrtarisht nuk njeh fillimin e punes se vet. ”Kemi filluar pune me mbledhjen e pare te ketij komisioni, apo diten kur vendosi Kuvendi per ngritjen e komisionit?” - kane pyetur vetveten deputetet. Asnje i pranishem ne mbledhjen e komisionit hetimor nuk ka ditur te pergjigjet. Nisur nga kjo katrahure juridike, komisioni zyrtarisht do t’i kerkoje Kuvendit nje interpretim ligjor.
Debatet
Ndonese çeshtja e afatit te fillimit te punes ka nxjerre jashte loje mbledhjet e komisionit hetimor, kjo çeshtje nuk eshte debatuar ne mbledhjen e djeshme te komisionit. Debatet jane perqendruar ne mbledhjen e dokumentacionit. Deputeti socialist, Taulant Balla, anetar i ketij Komisioni, eshte shprehur se ne dokumentacionin e ardhur ne komision mungojne aktet shtese qe ministrite i kerkojne Keshillit te Ministrave per projektligjet apo vendimet e miratuara ne qeveri. Sipas tij, vendimi per çeshtjen “Durres-Kukes” duhet te kete edhe aktet shtese qe Ministria e Financave dhe ajo e Drejtesise i kane çuar qeverise ne lidhje me kete vendim te Keshillit te Ministrave. “Ne i kemi kerkuar keto relacione dhe akte, por nuk kane ardhur”, - tha Balla. Kerkesa dhe pretendimi i deputeteve te majte eshte kundershtuar nga kryetari i ketij komisioni, Aleksander Biberaj. Ai tha se eshte kerkuar i gjithe dokumentacioni ne qeveri, i cili ka ardhur bashke me relacionet e projektligjeve dhe kerkesa e deputeteve te majte per aktet shtese te ministrive nuk ka baze ligjore. Nenkryetari Arben Isaraj u shpreh se kerkesa nuk duhet çuar vetem ne Kryeministri, por edhe ne keto ministri, te cilat kane te protokolluar çdo shkrese qe çohet ne Keshillin e Ministrave. Deputetet e djathte, qe bejne edhe shumicen e ketij komisioni, nuk kane rene dakord per kete çeshtje, gje qe ka bere qe deputetet e majte te shprehen se po pengohet hetimi normal i komisionit.
Shtyhet afati
Komisioni Hetimor per çeshtjen e rruges Durres-Kukes do t’i kerkoje Parlamentit edhe nje muaj shtese per punen e nisur. Ligji i njeh nje afat tremujor hetimor komisionit, por deputetet jane shprehur dakord per shtyrje te afatit deri ne hartimin e raportit. Pikerisht edhe kjo çeshtje ka pasur nje debat. Parlamenti mbyll sesionin javen e ardhshme, per t’u rihapur ne daten 22 janar. Deputetet kane kerkuar qe kerkesa te dergohet mbas janarit, pra ne pjesen e dyte te sesionit parlamentar, me menyre qe koha fizike te jete me e madhe se 4 muaj, sipas afatit ligjit. Deputetet u shprehen se gjate periudhes se festave te fundvitit ata do te kene mundesi per te studiuar me shume bazen e dokumentacionit, te cilen e moren ne dorezim diten e djeshme. Zhvillimet dhe debatet brenda ketij komisioni duket se do te çojne ne nje raport final me dy qendrime, ajo e deputeteve te shumices se djathte dhe ajo e deputeteve te majte.

19 Dhjetor 2007