Durres-Kukes drejt perfundimit, demtohet sinjalistika e autostrades
KUKES- Autostrada Durres-Kukes-Morine po peson demtime te renda te sinjalistikes, gje qe ka krijuar probleme per drejtuesit e automjeteve qe e pershkojne ate. Persona te paidentifikuar kane shkaterruar nje pjese te mire te shenjave te vendosura nga Qarkullimi Rrugor apo Drejtoria e Rrugeve, sic jane ndricuesit fosforeshente. Demtimet me evidente ne sinjalistike jane konstatuar kryesisht ne qendrat e banuara rurale, ne hyrje te qytetit te Kukesit, por edhe ne disa segmente te tjera. Titullare te rrugeve ne Kukes, thone se per kete shqetesim, krahas apelit per ruajtjen e akseve rrugore, ndergjegjesimin e banoreve per ruajtjen e sinjalistikes, kane ngritur nje grup pune te perbere nga specialistet per te evidentuar konkretisht demet e shkaktuara. Traseja e autostrades ende nuk ka perfunduar dhe nuk eshte dorezuar dhe demtimet ne sinjalistike mund te vazhdojne. Edhe pse autostrada Durres-Morine po shkon drejt perfundimit, dukuria e demtimit te sinjalistikes rrezikon edhe drejtuesit qe mund te perfshihen ne aksidente tragjike.