Studentet ne Itali, neser testi i gjuhes
Instituti Italian i Kultures percakton oraret dhe qendrat per provimin e certifikates se gjuhes italiane “Celi 3”, qe do te zhvillohet me 6 mars te ketij viti. Keshtu, sipas njoftimit zyrtar te ketij Instituti, faza e dyte e testimit per marrjen e certifikates “Celi 3”, te leshuar nga Università per Stranieri di Perugia, do te nise diten e shtune 6 mars, per te perfunduar diten e enjte, 11 mars 2010. Ne kete provim, qe organizohet nga Instituti Italian i Kultures do te marrin pjese plot 1.194 kandidate nga rrethe te ndryshme te vendit. Me poshte jane publikuar qendrat si dhe oraret perkatese per zhvillimin e provimit me shkrim per t’u pajisur me certifikaten e gjuhes italiane “Celi 3”, e cila sherben edhe per te bere kerkesen per pararegjistrim ne universitetet italiane per vitin e ri akademik.
Qendrat
Pavaresisht vendbanimit te kandidateve, provimi do te zhvillohet per te gjithe ne te njejten dite dhe ne kryeqytet. Per kete, Instituti Italian ka bere nje grupim te kandidateve nga rrethe te ndryshme qe vendit, qe do ta kryejne provimin ne nje qender te caktuar. Keshtu, 107 kandidatet nga qyteti i Durresit, duhet te paraqiten ne oren 8.00 te mengjesit, te Fakulteti i Inxhinierise se Ndertimit. Kurse 163 te rinjte e rretheve: Elbasan (107); Kavaje (11); Lezhe (45), duhet te paraqiten ne oren 7.30, tek Akademia Ushtarake, salla e Kinemase. Nderkaq, 109 kandidatet nga Fieri (97) dhe Burreli (12), duhet te paraqiten ne oren 8.00, tek Shtepia Qendrore e Ushtrise, salla e Teatrit. Per 112 kandidatet nga Shkodra (99) dhe Gjirokastra (13), eshte vendosur qe provimi te zhvillohet te Universiteti UFO, (Rruga e Durresit, ish-Gjykata e Rrethit Tirane. Me tej, per 201 kandidatet nga rrethet: Berat (114); Korce (42); Bilisht dhe Kruje (45), provimi do te zhvillohet ne ambientet e Universitetit Europian. Per 122 kandidatet nga Vlora, provimi do te zhvillohet ne ambientet e Muzeut Historik. Ndersa 380 kandidatet, e Tiranes te perzgjedhur sipas rendit alfabetik te mbiemrit, provimin do ta zhvillojne tek Universiteti Zonja e Keshillit te Mire.
Rregullat
Instituti Italian i Kultures njofton se per provimin me shkrim kandidatet duhet te paraqiten te shtunen ne daten 6 mars 2010, sipas orarit te parashikuar prane qendrave te meposhtme, dhe vendit ku kane kryer pagesen e takses se regjistrimit. Provimi do te zgjase per rreth kater ore. Per t’u futur ne provim, kandidatet, ne momentin e hyrjes duhet te paraqesin disa dokumente te nevojshme. Keshtu, per te rriturit, Instituti Italian i Kultures ka vendosur qe ne momentin e hyrjes ne provim, te paraqesin dokumentin e identifikimit ende te vlefshem (pasaporte te firmosur, karte identiteti ose patenten e re). Ndersa sa i perket rregullave qe duhet te respektojne kandidatet, sipas Institutit Italian, ne provim do te punohet me laps te zi, pasi eshte i ndaluar perdorimi i stilolapsit. Po ashtu, ne ambientet e provimit eshte e ndaluar futja e cfaredolloj materiali si: libra, fletore, fjalore si dhe celulare.
Provimi i gjuhes
Taksa, sa duhet te paguajne aplikantet
Per pjesemarrjen ne provimin e certifikates “Celi 3”, cdo kandidat duhet te paguaje nje fature prej 55 eurosh, si takse regjistrimi tek Instituti Italian i Kultures dhe certifikimi i gjuhes do te behet nga Universiteti per te Huajt i Peruxhia-s ne Itali. Ndersa kostoja per studentin qe do te perserise vetem nje prove eshte 40 euro. Marrja e ketij provimi gjuhe eshte nje prove e veshtire, por qe hap dyert per aplikimin per vize studimesh ne Itali. Studentet qe deshirojne te studiojne ne dege te universiteteve italiane, ku hyrja parashikon nje provim tjeter duhet te perballojne nje sprove te dyte per pranimin ne keto dege me numer te mbyllur ose ne rast se nuk fitojne aty mund te tentojne te kalojne ne fakultete te tjera italiane, ku hyrja eshte e lire. Ne kete rast ata duhet te kene parasysh se cdo universitet italian vendos kuota te percaktuara per studentet e huaj dhe numri i tyre varet nga vete universiteti.