Durrës, i moshuari gjendet i mbytur 50 m larg bregut

DURRES- Trupi i pajetë i një të moshuari është gjetur sot në mesditë, 50 metra larg bregut, tek Gjiri i Lalzit në Durrës.

Viktima rreth të 65-at dyshohet të jetë mbytur. Policia ndodhet në vendngjarje dhe pasi ka nxjerrë trupin nga deti, po punon për identifikimin e viktimës.

Nga të dhënat e para dyshohet se kemi të bëjmë me një banor të zonës, ndërsa policia thotë se i moshuari kishte disa orë që ishte i mbytur.
(s.g/BalkanWeb)