Durrës, kapen 227 kg marijuanë një i arrestuar

Në orët e para të ditës së sotme në portin e Durrësit është sekuestruar një sasi e konsiderueshme marijuanë. Policia doganore pas kontrolli të ushtruar në një kamion ka arritur të zbulojë se në të fshihej një sasi prej 227 kg lëndë narkotike.

Drejtuesi i automjetit Besnik Yzeiraj, është arrestuar me akuzën e trafikimit të drogës.

Kjo sasi droge e cila nga 38-vjeçari synohej të trafikohej për në Itali është një ndër më të mëdhatë të sekuestruara ndonjëherë në portin e Durrësit.