Durrës, kapen dy italianë iu gjet kallashnikov në makinë
Policia e Durrësit ka ndaluar 2 shtetas italianë, pasi u është gjetur dhe sekuestruar një armë e tipit kallashnikov.
Ata janë kapur në zonën e portit të Durrësit, ndërsa përgatiteshin të udhëtonin me tragetin e linjës Durrës-Bari.
Gjatë kontrollit të ushtruar në automjetin e tyre policia ka gjetur armën e zjarrit tip kallashnikov dhe ka vënë pranga dy italianët, ndërsa kanë nisur menjëherë hetimet.