Dy vjet pas pavarësisë, Kosova në vështirësi ekonomike

Kjo situatë që është e pranishme pas dy vitesh pavarësi, ka krijuar tensione sociale duke cuar këtë muaj në greva të vazhdueshme të punonjësve të sektorit publik.

Greva është nisur nga punonjësit e policisë, e ndjekur nga të gjyqësorit dhe të burgjeve, duke treguar se kosovarëve po u humbet durimi dhe kërkojnë më shumë mirëqenie.

Frontet e reja të punës mungojnë ndjeshëm në Kosovë, dhe ajo që është më shqetësuese sipas analistëve, është fakti se qeveria nuk ka një plan të qartë, strategji të mirëfilltë për rrugën që do të ndjekë vendi për kapërcimin krizës.