Dyshime mbi kartat e identitetit

Nenkryetari i grupit parlamentar socialist, Erion Brace, sulmon qeverine, duke thene se eshte treguar krejtesisht e paafte per te perfunduar procesin e pajisjes se shqiptareve me karta identitetit dhe pasaporta biometrike. Brace tha dje, se nuk ka aspak transparence ne kete proces, nderkohe qe me date 16 te ketij muaji do te kete nje tender te hapur nderkombetar per dhenien me koncesion te prodhimit dhe te pajisjes se shqiptareve me karta identiteti dhe me pasaporte biometrike. Sipas tij, nga informacioni qe PS-ja ka, del ne evidence fakti qe qeveria ka perzgjedhur me prokurim te drejtperdrejte nje kompani, e cila ka pergatitur specifikime teknike te tenderit per kartat e identitetit. Gjithashtu, Brace tha se keto specifikime teknike po largojne nje pjese te madhe te konkurrenteve nga gara. "Jane bere te tilla, jane hartuar te tilla per te nxjerre fitues nje kompani, tek e cila qeveria e kryeministrit Berisha eshte kliente. Qe do te thote akoma me tutje, se qeveria permes kesaj procedure po mundohet qe te shmange konkurrencen nga tenderi per perzgjedhjen e kompanise qe do te marre me koncesion prodhimin dhe shperndarjen e kartave te identitetit dhe pasaportave biometrike", tha Brace. Ai u shpreh se tashme keto nuk jane vetem shqetesimet e opozites, por edhe te kompanive te interesuara per te marre pjese ne nje konkurrim te ndershem.