Dzeko vlen 40 milionë euro

Drejtori i përgjithshëm i Wolfsburgut, Dieter Hoeness, ka vendosur çmimin e sulmuesit boshnjak Edin Dzeko, i cili tashmë një kohë të gjatë kërkohet nga klube të mëdha evropiane.

“Kush dëshiron ta transferojë Dzekon duhet të paguajë 40 milionë euro.

Sipas kontratës, ai ka kohë deri më 31 mars të vendosë. Aktualisht, Dzeko nuk pritet të luajë me ne në sezonin e ardhshëm, por ende nuk kemi marrë ofertë nga asnjë klub.

Në Evropë janë pak klube që kanë mundësi financiare ta transferojnë”, deklaroi Hoeness për mediet gjermane.