E djathta nis negociatat per reformen zgjedhore

Kryetaret e grupeve parlamentare te djathta kane zhvilluar nje takim informal, ku ne qender te vemendjes ka qene reforma zgjedhore, bashkimi i se djathtes dhe listat e deputeteve.

Demokratet kane vendosur qe te perfshijne edhe aleatet ne listat qe do te perfundohen brenda muajit maj. Kreu i grupit parlamentar demokrat, Astrit Patozi, eshte takuar me republikanin Arjan Madhi dhe deputetin e PDR, Tritan Shehun.

PBDNJ nuk i eshte bashkuar Partise Demokratike, nderkohe qe ftohja e Nard Ndokes me mazhorancen aktuale ka mbajtur ne distance PDK-ne me PD-ne.

Krijimi i nje federate te djathte duket se eshte larg realitetit ne politiken shqiptare, ku beteja e vertete mes aleateve dhe demokrateve qendron te listat e kandidateve per deputet.

Reforma zgjedhore eshte nje tjeter pike qe do te bashkoje aleatet me PD-ne. Demokratet, tashme te patrembur per votat e shumices ne Kuvend, jane kthyer ne nje paterice per aleatet e tyre.

Tryeza e te djathtes vazhdon te jete e bllokuar per te shmangur konfliktet dhe pakenaqesite brenda se djathtes. Per kete arsye nuk ka qene Kryeministri Berisha, ai qe ka mbledhur te vegjlit ne tryeze, por nenkryetari i PD-se, Astrit Patozi.

Tryeza e se djathtes pritet te mblidhet ne tremujorin e pare te vitit te ardhshem, ku do te diskutohet edhe per platformen e se djathtes ne zgjedhjet e pergjithshme parlamentare te qershorit 2009.