E godet me ciklomotor, vdes foshnja 1 vjece

Erseke-Nje aksident i rende i ka marre jeten nje foshnje 1 vjece ne qytetin e Leskovikut. Ngjarja ka ndodhur mengjesin e djeshem, kur 24-vjecari Mariglen Koroci, banues ne kete qytet, duke udhetuar me mjetin e tij ciklomotor pa targa, ka goditur 24 vjecaren Shpresa Ajazi dhe mbesen qe ajo mbante ne krahe, 1 vjece, L.K. Goditja ka qene e papritur dhe ne moment 24-vjecarja ka rene ne toke dhe bashke me te edhe mbesa e saj e vogel. Nga kjo goditje ka humbur jeten ne vend foshnja, ndersa eshte plagosur dhe ndodhet jashte rrezikut per jeten 24-vjecarja. Femija ka nderruar jeten per shkak te plageve te marra ne koke. Policia ka arrestuar menjehere drejtuesin e mjetit, Koroci, per vepren penale "Shkelje e rregullave te qarkullimit rrugor", parashikuar nga neni 290 i Kodit Penal. Ne vendngjarje policia ka kryer veprimet e nevojshme per zbardhjen e shkaqeve te ketij aksidenti. Sipas hetimeve, mesohet se vajza e re me mbesen e saj, ishin duke ecur ne momentin qe jane goditur nga pas prej te riut, qe drejtonte ciklomotorin.