E vetmuar ne plazh, vdes nga ataku

Divjake- Nje 65-vjecare ka shkuar per te shuar vapen ne plazhin e Divjakes, por ka pesuar infarkt teksa eshte futur ne uje. Lajmi konfirmohet nga burime zyrtare te komisariatit te Policise se Lushnjes. E moshuara qe mbeti e paidentifikuar deri ne mbremje, ka shkuar per te bere plazh ne Divjake. Rreth ores 13:00 pasi kishte drekuar, ajo ka shkuar per t'u freskuar ne ujin e detit Adriatik. Sapo ka bere 20 metra nga bregu, e moshuara eshte perplasur ne uje. Te pranishmit kane vene re renien e saj dhe kane shkuar me shpejtesi per ta ndihmuar. Pushuesit kane njoftuar urgjencen qe ndodhej ne kete plazh, por edhe policine, Posten e Divjakes. Edhe pse bluzat e bardha si dhe policia jane mundur qe t'i japin ndihmen e pare mjekesore, 65-vjecarja kishte nderruar jete. Policia zyrtarisht pohoi se e ndjera kishte pesuar infarkt nga kontakti me ujin e ftohte dhe pas autopsise se bere, ka rezultuar se nuk kishte pire uje apo mbytur. Trupi i gruas u dergua ne morgun e spitalit te Lushnjes, pasi ajo ka qene e vetme ne plazh dhe me vete nuk ka pasur asnje dokument identifikimi. Policia po punon per identifikimin e te ndjeres dhe dergimin e trupit pa jete prane familjes, ndersa hetimet nuk kane perfunduar ende. Mendohet se viktima mund te jete banuese ne ndonje fshat afer Divjakes.

Xh. Beharaj