EULEX hap 1250 dosje, prioritet krimet e luftes

Deri me tani, 1 mije e 250 raste gjyqtaret dhe prokuroret e misionit te EULEX-it i kane marre per t'i shqyrtuar ose jane interesuar per mbarevajtjen e tyre. Kjo eshte shifra qe japin zyrtare te ketij misioni, te cilet sqarojne se deri me tani se paku ne 50 raste eshte filluar te punohet. Dosjet te cilat ata i kane marre, kane te bejne kryesisht me te akuzuar per krime te luftes, krim te organizuar dhe vrasje te renda. "Keto jane dosjet qe i kemi marre si te trasheguara nga misioni i UNMIK-ut", eshte shprehur Alberto Perduca, drejtues i komponentit te Drejtesise ne Misionin e EULEX-sit. Zyrtare vendore te drejtesise tregojne se gjykata prej se ciles gjyqtaret dhe prokuroret e EULEX-it kane marre numrin me te madh te dosjeve, eshte ajo e Qarkut ne Prishtine. Madje ne disa ceshtje qe nderkombetaret i kane marre per t'i perfunduar, kane filluar te mbahen edhe seancat e para. Seanca e pare nga gjyqtaret e EULEX-it tashme eshte mbajtur me 13 janar te ketij viti ne Gjykaten e Qarkut ne Prishtine dhe ka te beje me krim te organizuar dhe shitje te armeve. Pervec kesaj, rasti tjeter eshte edhe ai i nje serbi nga Kosova, i cili dyshohet se gjate kohes se luftes se fundit ka vrare kater persona. Ne fakt kjo seance kunder personit, i cili nga viti 2002 ka fletearrest nderkombetar, ka filluar te henen ne Gjykaten e Qarkut ne Prishtine. Ky eshte M.S, i cili ne kohen e kryerjes se veprave ka qene i moshes se mitur dhe pervec kater akuzave per vrasje, ngarkohet edhe per dy vepra te tjera te tentim vrasjes. Procesi tjeter gjyqesor, per te cilin pritet te caktohet data e mbajtjes se seances gjyqesore, eshte rasti i vrasjes se nenkryetarit te komunes se Shtimes dhe plagosja e disa te tjereve.