EURALIUS: Te shihen me kujdes 7 projektligjet per drejtesine
TIRANE - Ekspertet nderkombetare te EURALIUS ne Shqiperi, gjyqtare dhe prokurore, avokate dhe notere bene dje apel qeverise te terheqe te 7 projektligjet e sistemit te drejtesise. EURALIUS mbeshtet presidentin Topi, teksa shprehet nepermjet perfaqesuesit te saj se ligjet dhe draftet duhet te jene ceshtje shume multilaterale. Te mbledhur ne nje seance degjimore te organizuar nga Transparence International Albania, perfaqesues te misionit nderkombetar EURALIUS, nismat e qeverise jane vleresuar nga te gjithe keta aktore si nje perpjekje per te kufizuar lirine e institucioneve te pavarura dhe me e keqja per t'i pasur ato nen kontroll. Perfaqesues te Transparence International Albanian theksuan se konsensusi politik per reformat nuk duhet te arrihet ne dem te drejtesise pasi nje proces i njeanshem sjell nje reforme te deshtuar. Nga ana e tij perfaqesuesi i misionit nderkombetar EURALIUS deklaroi se mbeshteste shqetesimet e presidentit Topi per reformen ne drejtesi dhe strategjine e tij dhe KLD-ne per reformen. "Kam degjuar qe Presidenti i Republikes se Shqiperise eshte shprehur dje se ligji nuk eshte nje ceshtje unilaterale, une mendoj se presidenti ka shume te drejte sepse ligjet dhe draftet ligjore ne demokraci, duhet te jene ceshtje shume multilaterale dhe nje proces multilateral", tha Miklau. Me tej ai shtoi se misioni EURALIUS do te vazhdoje te ofroje asistence ne reformen e drejtesise per te themeluar nje sistem te pavarur te drejtesise. "Kuadri ligjor i institucionet e drejtesise nuk mund te jete nje proces i njeanshem dhe ekskluziv i pushtetit ekzekutiv", tha perfaqesuesi i TIA, Kliton Zguri. Sipas tij "ligjvenesit shqiptare duhet te jene te ndergjegjshem dhe duhet te kene vullnetin per te bashkepunuar me gjyqtare prokurore avokate dhe te gjithe institucionet kushtetuese te sistemit te drejtesise. Si menyra e vetme per te garantuar nje sistem te qendrueshem jetegjate dhe te suksesshem te drejtesise". Shoqata e Gjyqtareve e perfaqesuar nga gjyqtarja Manjola Bejleri lexoi nje rezolute, ne te cilen jane shkruar pikat konkrete te ketyre projektligjeve, ku sipas gjyqtareve, cenohet pavaresia e institucionit. "Vihet re nje tendence gjithnje ne rritje e Ekzekutivit per te nderhyre ne punet e Gjyqesorit, prokurorise si dhe ne profesionet e avokatise dhe noterise. Projektligjet si ai i administrates gjyqesore dhe ai per prokurorine, tentojne perdorimin ne menyre antikushtetuese dhe te kundraligjeshme te ketyre institucioneve ne funksion te Ekzekutivit. Draftet duhet te hartohen pas nje debati te gjere publik", tha Bejleri. Per sa i perket ligjit te funksionimit te prokurorise, ne kete takim foli kryetari i shoqates se prokuroreve Shkelqim Hajdari. "Ky ligj duhet t'i garantoje prokuroreve pavaresi nga organet ekzekutive dhe nga ndikimet politike ne ushtrimin e funksioneve te tyre kushtetuese", tha ai. A.G