Ecnin me bicikleta, perplasen nga furgoni

Dy persona jane plagosur rende pasditen e djeshme ne qytetin e Shkodres, teksa ishin duke ecur me biciklete. Burime zyrtare prane policise se Shkodres thane se ngjarja ka ndodhur ne kryqezimin prane katedrales "Shen Shtjefni" te qytetit, kur nje furgon me targe SH 4881 C, i drejtuar nga Angjelin Uka, banor i ketij qyteti, ka perplasur 72-vjecarin Haki Cardaku, banor i fshatit Dobrac te ketij rrethi dhe Vitore Rrahishta, 45 vjece, banore e lagjes "Mark Lula" te Shkodres. Policia rrugore dhe policia e rendit, qe shkuan ne vendngjarje, kane derguar dy te plagosurit ne Spitalin Rajonal te Shkodres, ku po u jepet ndihma e shpejte. Sipas burimeve te policise, dy te plagosurit jane ne sallen e reanimacionit ne gjendje kritike per jeten. Nderkohe, ekspertet e policise rrugore jane duke bere hetimet ne vendngjarje. Drejtuesi i automjetit eshte shoqeruar per ne komisariatin e policise per sqarime te metejshme.