Prokuroria, 21 vjet burg per ciftin e droges

Cifti shqiptaro-maqedonas, qe u kap me 7 kg heroine ne Elbasan, vitin e kaluar, rrezikon te denohet 21 vite burg, per akuzen e trafikut nderkombetar te narkotikeve. Prokuroria e Krimeve te Renda kerkoi dje denimin per Sadedin dhe Nulfie Elezi, qe kaluan nepermjet doganes se Qafe-Thanes me makinen e tyre, ku gjendej dhe droga dhe per kete disponoheshin pamje filmike. Ne Gjykaten e Krimeve te Renda, organi i akuzes lexoi konkluzionet perfundimtare per ciftin Elezi, duke i cilesuar fajtore dhe kerkoi te denohen perkatesisht me 11 vjet heqje lirie Sadedin Elezi dhe me nje vit me pak bashkeshortja e tij, Nulfie Elezi. Trupi gjykues, i kryesuar nga Ardit Mustafaj, pasi ka degjuar pretencen e dhene nga perfaqesuesit e organit te prokurorise, vendosi shtyrjen e seances, per t'i lene kohe mbrojtjes te pergatise perfundimet.
Ngjarja, per te cilen akuzohen dy te pandehurit, i ka fillimet mesditen e 20 majit te vitit 2007, ku gjate nje operacioni te policise u kap, ne unazen e qytetit te Elbasanit, cifti Elezi. Informacioni i marre ne rruge operative, ka bere qe te ndalohej makina tip "Alfa Romeo", me targa SK 564 RB. Dhe pas kontrollit te imtesishem, ka rezultuar se ne mbeshteteset e sediljeve te makines ne pronesi te pandehurve, jane gjetur rreth 7 kg heroine e ndare ne 15 pako te mbeshtjella me ngjitese natriban. Por, gjate hapjes se sediljeve, mbi pakot eshte gjetur edhe nje lloj pluhuri i kuq, i cili sherbente per kamuflimin dhe ruajtjen nga nuhatja e qenit te antidroges. Pas marrjes ne pyetje, cifti shqiptaro-maqedonas ka pranuar akuzen, duke treguar edhe itinerarin qe ndiqnin, kalimi nga pika kufitare e Qafe-Thanes, duke e sjelle sasine e narkotikut per vetem 500 euro ne drejtim te Shqiperise.
Pretenca :
Sadedin Elezi, 11 vjet burg
Nulfie Elezi, 10 vjet burg
Akuza:
"Trafikim te lendeve narkotike"
Sasia e kapur:
7 kg e llojit heroine, e ndare ne 15 pako