Edhe Barcelona ndjek Dani Alvesh

Mbrojtësi i Seviljes, Dani Alvesh, është shumë pranë kalimit te skuadra e Barcelonës, e cila kërkon me çdo kusht një përforcim në krahun e djathtë të prapavijës. Këtë e ka konfirmuar vetë menaxheri i futbollistit, Hose Rodríguez Baster. "Po, ka interesim nga Barcelona, por është gjithçka në dorën e Seviljes dhe nuk e di nëse kanë filluar bisedimet. Ne do të ishim të gatshëm të uleshim menjëherë në tavolinën e bisedimeve", u shpreh ai, duke lënë të kuptohet se lojtari dëshiron të ndryshojë ekip.