Edhe ata qe jane me qira duhet te paguajne

Sipas punonjeseve te Njesive Bashkiake nr. 8, ata detyrohen qe te mos japin certifikata pa u vertetuar me pare se i interesuari i ka paguar detyrimet vendore. Kjo, ne baze te vendimit te Keshillit Bashkiak, miratuar ne vitin 2007, sipas te cilit, te gjithe njesite jane te detyruara te ndihmojne ne mbledhjen e taksave nisur nga niveli i ulet i mbledhjes se tyre ne 6-mujorin e pare te 2007-es (vetem 1 per qind). Problemi me i madh, i cili shkakton debate te shumta me qytetaret, per punonjeset e Njesive Bashkiake eshte mbledhja e taksave vendore per qytetaret te cilet e kane bere pasaportizimin ne Tirane, por ama jetojne ne shtepi me qira. “Ata nuk perjashtohen nga detyrimi per t’i paguar taksat vendore, edhe pse praktikisht nuk e kane nje shtepi te tyren”, thote nje punonjese e Njesise nr. 8, duke shprehur keqardhjen per kete fakt. ‘Por, s’kemi c’te bejme, ne zbatojme urdhrat”, shton ajo. Njesite Bashkiake jane vendet ku mund te degjosh me shume debate, ngritje zeri dhe pakenaqesi. Sportelet jane te pakta dhe kerkesat per certifikata te medha. Edhe kushtet ne te cilat ofrohen keto sherbime, jane vertet per te ardhur keq, megjithate, ende nuk behet fjale per ndonje rikonstruksion ambientesh.