Taksa me detyrim, 10 mije leke per nje certifikate

Luljeta Ndoka
Pasi ka pritur me ore te tera radhen per te komunikuar me punonjesit e Njesise Bashkiake numer 8, Neritanit gati sa nuk i bie te fiket, teksa i kerkojne te paguaje shifren 97700 leke te vjetra. Kjo vlere perkon me ate te taksave dhe tarifave vendore per vitin 2007 dhe 2008. “Certifikata i duhet djalit, i cili do te aplikoje per vize. Nuk ma japin pa paguar taksat per dy vjet rresht”, thote Neritan Halili, te cilit i duhet te mendohet se ku do t’i gjeje aq shpejt parate. Te birit i duhet t’i dorezoje dokumentet sa me shpejt te jete e mundur ne ambasade, por, me sa duket, nje gje e tille rrezikon te mos realizohet.
Te marresh nje certifikate eshte kthyer ne mision te pamundur. Te zhgenjyer nga masa e mbledhjes se taksave vendore, Keshilli Bashkiak ka vendosur t’i vjele me hir e pahir. Keshtu, hallexhinjte, qe duhet te marrin nje dokument nga zyrat e gjendjeve civile prane njesive bashkiake, nuk pajisen dot me te, pa paguar nje shume te majme parash. Me te njejtin problem eshte perballur edhe 55-vjecari Neritan Halili, nga Tirana. “Me duhet ta marr sa me shpejt certifikaten. Kam pritur qe ne mengjes, por edhe pse tani eshte mesdite, sapo e mora vesh qe duhet te paguaj rreth 100 mije leke”, tregon Neritani. Ai thote se nuk ishte pergatitur aspak per te paguar aq shume para. “Shume-shume, mendoja se do te me kerkonin parate e takses se pastrimit dhe gjelberimit per vitin 2007. Por, kur kerkova te bej pagesen per te marre certifikaten e djalit, pyetja e pare qe me bene ishte: I ke paguar taksat per vitin 2007 dhe per kete vit”, thote 55-vjecari. Sipas tij, 46 mije leke benin vetem taksa e pastrimit dhe e gjelberimit per dy vjet. Ndersa pjesa tjeter i perket takses se baneses.
Edhe banoret e tjere qe paraqiten ne Njesine Bashkiake numer 8 (dhe jo vetem aty, por ne baze te vendimit te Keshillit Bashkiak, edhe ne te gjitha njesite e tjera), pervec radheve te gjata, perballen me detyrimet vendore qe duhet te paguajne. Kesaj here nuk behet me fjale vetem per taksat e vitit 2007, por edhe ato te vitit 2008. Perkthyer ne shifra, banoret e Njesise 8 duhet te paguajne mesatarisht 100 mije leke te vjetra per te marre certifikaten e shumepritur. Megjithate, perjashtuar taksen e pastrimit dhe gjelberimit qe kane vlere standarde per te gjithe, ndryshimi qendron vetem te taksa e baneses, e cila ndryshon ne baze te siperfaqes se baneses se secilit. Gjithashtu, vlera e kesaj takse ndryshon edhe ne varesi te vitit kur eshte ndertuar banesa. Cdo Njesi Bashkiake ka hapur nje sportel te posacem vetem per pagimin e ketyre taksave, edhe pse rendom njerezit jane te pakenaqur me sasine e gjelberimit dhe me pastrimin ne te gjitha zonat qe mbulohen nga 11 njesite bashkiake.
Vlera monetare e taksave:
Taksa e gjelber: 200 leke ne vit
Takse pastrimi: 2100 leke/vit
Takse ndertese:
Para 1993 10.5 leke/m2
Pas 1993 21 leke/m2