Taksat, mbledhje per 2 vjet rresht

Ndersa me pare perbente problem vetem mbledhja e taksave vendore vetem per nje vit, “gjoba” qe duhet te paguajne tashme banoret e te gjitha njesive bashkiake ne Tirane eshte dyfishuar. Porsa perballen me punonjeset e Njesive Bashkiake, qytetareve gati sa nuk u bie te fiket kur degjojne shifren qe duhet te paguajne. Nje grua, e cila dje tentonte te merrte nje certifikate, tha se ishte detyruar t’i gjente leket borxh, qe te paguante taksat. “Me duhej patjeter, sepse burri eshte i verber, dhe me duhej nje dokument, i cili te vertetonte se isha e autorizuar per t’i marre pensionin”, thote gruaja me iniciale B.S., e cila ka punuar per vite me radhe ne nje shkolle artistike. Por, ajo tha se u detyruar te linte pjesen me te madhe te pensionit te te shoqit per taksen e gjelberimit, pastrimit dhe te baneses. “Burri merr 120 mije leke pension. Nga keto, 96 mije leke i lashe per taksa”, shprehet gruaja, e cila vret vazhdimisht mendjen se me c’para do te shtyje muajin. Ne fakt, ceshtja e veshtiresise se marrjes se certifikatave nuk eshte me sporadike, por eshte kthyer ne nje fenomen teper shqetesues. Me problem marrja e dokumenteve ne menyre “te dhunshme” perben per njerezit qe nuk u pret puna. Behet fjale per ata qe duan te aplikojne per viza, qe u duhet dokument per qellime shendetesore etj. Edhe per kete kategori nuk ka asnje leshim: te gjithe duhet t’i paguajne taksat, sipas punonjeseve te Njesive Bashkiake.