Edhe zyrtarisht jep dorëheqje presidenti i Malit

Presidenti i Malit, Amadou Toumani Toure, ka dhënë dorëheqjen zyrtarisht si pjesë marrëveshjes me udhëheqësit e grushtit të shtetit, për t'i dhënë fund krizës në shtetin e Afrikës Perëndimore.

Ndërmjetësi ndërkombëtar, Djibril Bassole, ministri i Jashtëm i Burkina Fasos, konfirmoi se një letër e dorëheqjes ishte dorëzuar.

Dorëheqja hap rrugën që udhëheqësit e grushtit të shtetit të hiqen mënjanë dhe kryetari i parlamentit të marrë përsipër detyrën e caktimit të zgjedhjeve.

Mali u përballur me një kryengritje separatiste në veri të vendit. Ajo u intensifikua pas grushtit të shtetit nga ana e oficerëve të ushtrisë, më 22 mars.

Në kuadër të afateve të parashikuara në planin e tranzicionit, udhëheqësit ushtarakë do t’ia dorëzojnë pushtetin kryetarit të parlamentit, Diouncounda Traore, që më pas në cilësinë e presidentit do të caktojë një datë për zgjedhjet.

Sapo të jetë bërë betimi, Traore do të ketë 40 ditë kohë për të organizuar zgjedhjet, thuhet në marrëveshjen prej pesë faqesh.