Egjipt, 30 vjet burg për ish-ministrin e financave

Ish ministri egjiptian i Financave Yousef Boutros Gali është dënuar me 30 vjet burg nën akuzat për korrupsion.Gjykata kriminale e Kajros dënoi me 15 vjet burg Galin për përvetësimin e parave publike duke përdorur makinat e mbajtura në dogana dhe 15 vjet për abuzim me detyrën duke përfituar nga fondet e ministrisë së financave.
 

Gjykata kriminale e Kajros përveç dënimit urdhëroi ish ministrin të kthejë mbrapsht rreth 10 milionë dollar.
Ndërkohë muajin e kaluar janë dënuar me shumë vite burg edhe ish ministrant e turizmit dhe të punëve të brendshmë nën akuza të ngjashme me të ish ministrit të Financave.