Tripoli, NATO rinis sulmin ndaj trupave të sigurisë

Shpërthime të fuqishme dhe sulme ajrore janë dëgjuar gjatë mëngjesit të sotëm në Tripoli, por nuk bëhen të ditura objektivat.
 

Agjencia e lajmeve Franceze, AFP shkruan se, fillimisht kanë ndodhur dy shpërthime ndërsa më vonë janë shoqëruar me sulme dhe shpërthime të tjera.
 

Ndërkohë theksohet se, avionët e NATO-s kanë nisur sulme ajrore në Tripoli dhe në zonat përreth.

Zonat në të cilën ka ndodhur shpërthimi, është identifikuar në periferi të vendit si Tajura, e cila që nga fillimi i sulmeve është vënë shpesh herë në qendër të shpërthimeve.