Egjipt, zgjedhjet parlamentare në nëntor

Egjipti do të zhvillojë në muajin nëntor, zgjedhjet parlamentare, të cilat janë një hap vendimtar për tranzicionin që ka përfshirë vendin.

Mediat egjiptiane informojnë se shefi i Komisionit Zgjedhor, Abdul Moaez Ahmed Ibrahim, në një takim të zhvilluar me gazetarët ka theksuar se zgjedhjet e të dyja dhomave të parlamentit do të mbahet në të njëjtën kohë dhe plotësisht të mbikqyrur nga gjyqtarët. Ndërkohë që ende nuk ka një datë të saktë për zhvillimin e zgjedhjeve.

Komisioni Zgjedhor u krijua më 19 korrik, në një takim të këshillit suprem të forcave të armatosura, ku u njoftua gjithashtu se vëzhguesit ndërkombëtarë nuk do të lejohen të vëzhgojnë zgjedhjet.