Egjipti do ndalojë faqet porno për të ruajtur shoqërinë

Një gjykatë në Egjipt ka urdhëruar qeverinë që të ndalojë faqet pornografike në mënyrë që të mbrohet shoqëria dhe vlerat e saj.

Vendimi, bashkë me një nisëm të ngjashme në parlament, ka rritur frikën mes egjiptianëve liberalë dhe sekularë se vendi po rrëshqet në rrugën e fundamentalizmit islamik.

Vendimi vjen nga një gjykatë e ulët dhe mund të apelohet. Tre vjet më parë u mor i njëjti vendim, por nuk u zbatua për shkak se zyrtarët thanë se ishte e pamundur që të kontrollohej diçka e tillë.

Edhe në parlament është paraqitur një nismë e tillë me argumentin se mbron shoqërinë dhe sidomos rininë. Parlamentarët thonë se pornografia nxit korrupsionin dhe imoralitetin.

Grupet e të drejtave të njeriut kanë reaguar ashpër ndaj vendimit të gjykatës.