Egjipti i kthehet normalitetit

Jeta në Egjipt po i kthehet normalitetit pas protestave kundër regjimit të Mubarakut. Sipas mediave ndërkombëtare dyqanet janë hapur, njerëzit kanë nisur punën dhe jeta i është rikthyer normalitetit.

Disa protestues vazhdojnë të mbeten në kampet në sheshin Tahrir, duke kërkuar nga udhëheqësia ushtarake të veprojë më shpejt drejt demokracisë.

Këshilli i Lartë Ushtarak, që ka marrë drejtimin e vendit pas rrëzimit të presidentit Mubarak, nuk ka dhënë ndonjë afat kohor për tranzicionin, por ka thënë se do të angazhohet për sundimin civil dhe demokratik.