Egjiptianët “ripërtërijnë ditën e revolucionit”

Mijëra aktivistë në Egjipt mbushën qendrën e Kajros, duke u kërkuar liderëve ushtarakë që të përshpejtojnë transferimin e fuqisë tek civilët dhe që të heqin ligjet që dikur përdorte Hosni Mubarak ndaj kundërshtarëve të tij.

Egjiptianët demonstruan në sheshin Tahrir për, siç thuhej, “ripërtëritjen e ditës së revolucionit”.

Në ndërkohë, është në rritje pakënaqësia për mënyrën me të cilën liderët ushtarakë kanë menaxhuar periudhën transitore.