Eksperte te OKB, ne Gerdec per ndotjen

Kombet e Bashkuara dergojne ne Shqiperi eksperte per katastrofat, pas ngjarjes se rende nje jave me pare ne Gerdec. Alarmi se uji i pijshem dhe mbetjet e leshuara pas shperthimit mund te rrezikojne jeten e banoreve, ka detyruar organizmin e OKB-se qe dje te dergonte nje grup specialistesh, qe kane zbritur ne qytetin e Durresit, te kryesuar nga Alois Hirschmugl. Gjate deklarates se dhene per mediat, kreu i specialisteve tha se qellimi ishte vleresimi i nivelit te ndotjes ne zonen e Vores dhe marrja e masave per te rikthyer normalitetin.
Ekspertet
Grupi i misionit te Kombeve te Bashkuara, OKB-se, qe ka mberritur diten e djeshme ne Shqiperi, ka pasur ndalimin e pare ne qytetin e Durresit, ku strehohen disa prej te prekurve nga tragjedia e shperthimit ne Gerdec, nje jave me pare. Ndersa kane marre kontakt me te mbijetuarit dhe krere te pushtetit vendor, specialistet e organizmit nderkombetar per katastrofat, kane vizituar edhe Gerdecin. Qellimi ka qene interesimi per situaten ne zone, demet e shkaktuara, niveli i ndotjes dhe mbetjet e shkarkuara ne atmosfere pas shperthimit katastrofik.
Misioni
Grupi i eksperteve te OKB-se drejtohet nga Alois Hirschmugl, i cili eshte shprehur se, "po monitorohet situata mjedisore perreth Vores pas shperthimit te shkaktuar, per te pare nivelin e ndotjes se ujit dhe te ajrit". Por, nuk jane dhene detaje te tjera rreth asaj qe eshte konstatuar ne Gerdec, pasi pritet te mbahet nje raport edhe ne organizem per situaten. Nje tjeter objekt i vizites mesohet te jete edhe konfirmimi i faktit nese jane shkarkuar mbetje radioaktive ne atmosfere pas shperthimit. Hirschmugl njihet si nje prej eksperteve me te mire te OKB-se per katastrofat dhe ka marre pjese ne disa vendngjarje ne vende te ndryshme te botes.
A.Qoraj

SSSASS