Prokuroria hyn ne krater

Redinalda Caushaj
Grupi hetimor ne Prokurorine e Tiranes nuk ka mundur dot te futet ne vendin e ngjarjes, ku gjate shperthimit ne Gerdec pati shume viktima e te lenduar. Dje ka deshtuar edhe keqyrja e vatres ku nisi eksplozioni dhe shkak eshte bere rrezikshmeria, pasi gjysma e fabrikes ka qene e minuar krejtesisht. Diten e djeshme, nje grup prej nje prokurori dhe tre oficeresh te policise gjyqesore kane mberritur ne Gerdec, per te kryer veprime hetimore e mbledhur materiale te vlefshme per investigimin e ngjarjes. Gjate kthimit, ndersa kane qene jo vetem te qullur prej shiut, ne qese te medha kishin futur edhe nje sasi te madhe dokumentesh te mbuluara nga balta e qe do pastrohen. Mesohet se behet fjale per shkresat e fabrikes se cmontimit, ku dalloheshin kontratat me punetoret e disa lista qe u sekuestruan per verifikim.
Grupi hetimor ka mberritur qe ne oret e para te mengjesit te djeshem ne vendngjarje, duke arritur te futet vetem ne pjesen e perparme te karterit. Burime nga prokuroria bene te ditur, per gazeten "KJ", se grupi hetimor ka gjetur ne fabrike disa dokumente, te cilat i ka sekuestruar. Behet fjale per materiale te fabrikes dhe firmes "Alba Demil", te cilat kane mundur t'i shpetojne flakeve te zjarrit qe pushtuan fillimisht fabriken dhe me pas shkaktuan shperthimin e predhave dhe municioneve te tjera. Dokumentet jane gjetur te mbuluara nga dheu ne pjesen e perparme te fabrikes, te cilat dukeshin shume pak se per cfare shkresash behej fjale. Grupi hetimor sqaroi se ato pak fjale qe ishin te lexueshme flisnin per kontratat, te cilat ndodheshin ne fabrike. Pikerisht keto kane qene edhe dokumentet e permendura nga ana e Dritan Minxhollit, drejtorit teknik te firmes "Alba Demil", ne deshmine e tij, qe bente te ditur se kane qene te rregullta. Materialet e sekuestruara pritet t'i nenshtrohen pastrimit dhe me pas ekzaminimit te grupit hetimor.
Burime nga prokuroria thane se dokumentet e gjetura jane teper te rendesishme per hetimin qe po kryhet dhe zbardhjen e detajeve te rendesishme. Flitet per bilance apo dhe shkresa te tjera zyrtare per municionet qe hynin apo dilnin te demontuara nga fabrika. Burimet sqaruan se do te shikohet nese ne dokumentet e sekuestruara dje ne fabrike do te gjendet liste me emrat e punonjesve, te cilet kane qene ne pune diten e tragjedise. Grupi hetimor ka bere te ditur se ishte prishur gjysma e vendit te ngjarjes, nderkohe qe fabrika ishte perbaltur per shkak te shiut te rene keto dite. Kjo ka bere qe edhe kerkimet disaoresh te grupit te hetimit te nderpriten, per shkak te perkeqesimit te kushteve atmosferike. Nderkohe qe behet e ditur se do vijojne serish diten e sotme dhe ato ne vazhdim. Nga ana tjeter burimet pohuan se hetimet e dites se djeshme jane nderprere per predhat e shumta ne brendesi te asaj pjese fabrike qe nuk eshte shkaterruar. Kjo do te jete edhe zona ne te cilen do te hyjne grupi i hetimit, por edhe ekspertet e FBI-se ne ditet e ardhshme. Per momentin, hyrja ne vatren e shperthimit eshte e pamundur, per shkak te predhave te paplasura ne brendesi te godines qe sherbente si fabrike. Nderkohe qe, nga ekspertet eshte duke u kontrolluar cdo pellembe e siperfaqes ne punishte, me shprese se do gjenden te tjere elemente apo shkresa qe mund te zbardhin aktivitetin e firmes, por edhe shkakun e tragjedise me 21 viktima te zbuluara ne rrenoja.

SSSASS