Ekspertet e KQZ kontrollojne vetem llogarite bankare
Komisioni Qendror i Zgjedhjeve dhe ekspertet kontabel te ketij institucioni jane te pafuqishem per te kontrolluar shpenzimet e partive politike ne fushaten elektorale te 8 majit 2011. Megjithese Parlamenti votoi nje ligj te ri mbi kontrollin financiar te partive edhe ne zgjedhjet e 8 majit financimet e subjekteve politike do te vazhdojne te mbeten ne hije. Ligji per financimin e partite politike i miratuar kete vit ne Parlamentin shqiptar parashikon vetem kontrollin mbi buxhetin e partive politike por nuk u jep te drejte eksperteve kontabel te monitorojne financimet e subjekteve politike gjate periudhave te fushatave zgjedhore. Vlen te theksohet se perpara nisjes se fushates elektorale Komisioni Qendror i Zgjedhjeve e ka miratuar shperndarjen e fondit te partive politike per zgjedhjet e 8 majit me kater vota. Por perpos kesaj sipas ligjit ne fuqi monitorimi i subjekteve politike do te behet per buxhetin total vjetor te partive nderkohe qe nuk do te jete specifik per zgjedhjet lokale. Legjislacioni aktual parashikon qe per te gjitha partite politike fondet me vleren e mbi 100 mije lekeve te reja nuk do te lejohen te kalojne ne dore kesh por nepermjet nje llogarie bankare edhe ne rastin kur ato dhurohen nga donatoret apo biznesmenet e ndryshem.