Eksploziv pranë centralit bërthamor

Në një kamion afër centralit bërthamor suedez Ringhals të enjten është zbuluar një sasi eksplozivi. Kjo gjë ka shtyrë autoritetet suedeze që të ngrisin nivelin e sigurimit përkthe centralit.

Eksplozivi, i cili nuk kishte detonator të vendosur, u gjet gjatë një kontrolli rutinor, megjithëse policia suedeze nuk e përjashton mundësinë e ndonjë kabotazhi.

Në polici nuk deshën të zbulojnë sasinë e as llojin e eksplozivit të zbuluar, njoftoi agjencia AP. Zyrtarët e centralit Ringhals pohuan se një eksplodim eventual i kamionit nuk do të shkaktonte ndonjë dëm serioz.

Sipas asaj që deklaruan në polici, vozitësi i kamionit nuk dinte fare për eksplozivin, dhe, si rrjedhojë, ai nuk konsideron se është i përfshirë në incident.

Ndryshe, centrali bërthamor Ringhals, ndodhet afër qytetit Varberg, gjegjësisht 70 kilometra në jug të qytetit Gotheburg, që është qyteti i dytë më i madh në Suedi. Centrali ka katër reaktorë bërthamorë.

Suedia ka gjithsejtë 10 centrale bërthamore, të cilat prodhojnë gjysmën e energjisë elektrike të vendit.