Eksploziv rojes se nuk lejoi parkimin e makines

Eksploziv rojes se hotelit sepse nuk lejoi parkimin e nje makine. Ngjarja e rende ka ndodhur ne oret e para te mengjesit te djeshem ne lagjen Manush Alimani te qytetit te Shkodres.

Policia lokale njoftoi se nje sasi eksplozivi shpertheu ne oret e para te mengjesit te djeshem ne banesen e shtetasit Zef Kola ne katin e peste te nje pallati ne hyrje te Shkodres.

Zef Kola i cili mendohet se eshte objektivi i atentatit me eksploziv punon si roje private ne nje nga hotelet ne qender te qytetit dhe dyshohet se shkak per vendosjen e eksplozivit ne shtepine e tij eshte bere nje sherr banal gjate punes kur ai nuk ka lejuar dy persona ta parkojne makinen ne parkingun e hotelit.

Sipas policise lenda plasese eshte vene ne sheshpushimin e katit te peste prane deres se shtepise se Zef Koles. Fatmiresisht nga shperthimi nuk ka pasur deme ne njerez. Demet materiale ne banesen ku eshte vendosur lenda plasese jane te konsiderueshme nderkohe qe jane thyer edhe xhamat e disa banesave te tjera te pallatit.

Nga hetimet e para rezulton se lenda plasese eshte tritol dhe mendohet se autoret kane vene nje sasi prej rreth 100 gramesh prane deres se rojes se hotelit.

Disa ore pas ngjarjes policia ka bere te mundur identifikimin e autoreve te ngjarjes qe sipas tyre jane Paulin Xhani dhe Jozef Shkoza banues ne lagjen Tre heronjte te qytetit te Shkodres. Keta persona jane shpallur ne kerkim nga policia e Shkodres dhe deri dje ne mbremje nuk jane arrestuar.

Ne lidhje me motivet e ngjarjes burime nga policia e Shkodres bejne te ditur se dyshohet qe ngjarja mund te kete motive hakmarrjeje pasi autoret kane pasur nje konflikt me Zef Kolen i cili punon si roje private ne nje nga hotelet ne qender te qytetit dhe debati mes tyre ka nisur per shkak te parkimit te makines se dy te dyshuarve ne parkingun e hotelit.