Ekzekutimi në Elbasan, në pranga dy persona

Policia e Elbasanit arrestoi mbrëmë 2 persona që dyshohen për vrasjen e 40 vjecarit Gentjan Beqirit. Florenc Çapja dhe Ajet Jaçe u prangosën pas një aksioni të forcave blu që zgjati 12 orë. 40 vjecari i paralizuar, që ishte në arrest shtëpie, u ekzekutua në banesën e tij, në sytë e të atit, ndërsa shtëpia ruhej nga dy policë. Policia tha se dy autorët ishin prezantuar si shokë të viktimës dhe sapo kanë hyrë brenda qëlluan me breshëri 40 vjecarin.
 

Duke parë vrasjen e të birit, Nezir Beqiri ka pësuar infarkt duke ndërruar jetë në spitalin e Elbasanit. Ndërkaq po të mërkurën pas ekzekutimit, ndaj 4 efektiveve të policise qe ruanin viktimen me arrest shtepie, ka nisur hetimi dhe pritet të përjashtohen nga policia.
 

Për Gentian Beqirin, Gjykata e Rrethit Gjyqësor në Elbasan kishte vendosur masën e sigurisë së arrestit në shtëpi si i implikuar në vrasjen e një biznesmeni të ndodhur 7 vite më parë në këtë qytet. Sipas të dhenave të para, ekzekutimi i Gentjan Beqirit mendohet të ketë qënë një larje hesapesh, sepse viktima që është qëlluar në gjumë akuzohet në se vitin 2005 ka vrarë biznesmenin Sokol Çapja.