Ekzekutohet me tre plumba vellai i pronarit te furres
Nje emigrant eshte ekzekutuar me tre plumba pistolete teksa po futej ne banesen e tij. Dritan Skenderaj sapo kishte zbritur nga makina kur nje person i eshte afruar duke e qelluar me dy plumba ne gjoks dhe nje plumb ne koke duke i dhene ngjyrat e nje ekzekutimi mafi oz. E pikerisht keshtu rezulton edhe nga policia e cila nuk ka pasur asnje informacion per autoret e ngjarjes deri ne oret e vona te nates.
Rreth ores 19.30 35-vjecari Skenderaj i lindur ne Fier dhe banues ne Tirane sapo kishte zbritur nga makina e tij Mercedes Benz me targa TR 5531 S. Ai eshte nisur per te shkuar brenda pallatit i cili ndodhet ne rrugen 5 Maji perballe ish-Uzines por nje person mendohet se i ka dale para dhe i ka drejtuar nje pistolete duke qelluar ne drejtim te tij. Nga tre plumbat e marre Dritan Skenderaj ka mbetur i vdekur ne vend nderkohe qe ne vendin e ngjarjes kane mberritur disa banore te cilet kane njoftuar policine. Drejtues te hetimit te krimeve te Policise se Tiranes kane mberritur ne vendin e ngjarjes dhe kane nisur punen per zbardhjen e saj. Sipas te dhenave te mbledhura viktima ishte kthyer nga emigrimi prej dy vitesh dhe jetonte ne pallatin para te cilit u ekzekutua bashke me te vellane. Ky i fundit ishte pronar i nje furre buke nderkohe qe vete 35-vjecari ishte i papune por here pas here administronte biznesin e vellait.
Deshmitaret ne vendin e ngjarjes kane shpjeguar per policine se personi i dyshuar ishte larguar me shpejtesi dhe nuk kane arritur ta njohin. Nderkaq autori mendohet se eshte njohes i mire i lagjes pasi eshte larguar ne disa rrugica te saj. Hetimet jane perqendruar ne aktivitetin e 35-vjecarit si ne Shqiperi ashtu edhe ne Greqi ku ka qene emigrant megjithese rezulton se nuk ka qene i dyshuar per ndonje ngjarje te meparshme apo i skeduar nga policia. Menyra e ekzekutimit per policine do te thote se vrasja ka ndodhur per larje hesapesh megjithese nuk perjashtohet edhe ndonje piste tjeter. Policia ka pyetur edhe te afermit e tij per ndonje konfl ikt te mundshem por hetimet kane vijuar gjate gjithe nates duke shoqeruar edhe disa banore ne cilesine e personave qe mund te kene dijeni per ngjarjen.