El Classico: Mou si Moisiu jep 10 urdhëresa për Realin

Zhoze Murinjo, trajneri i Real Madridit, ka vendosur rregullat që duhen ndjekur për të mundur Barcelonën në takimin e shumëpritur të ditës së shtunë, në orën 22.00. Sipas gazetës ‘Marca’, në shënimet e tij “Special One” ka të nënvizuar 10 “urdhëresa” që duhen zbatuar jo vetëm nga lojtarët, por edhe nga publiku i “Bernabeut”.

Ja cilat janë ato:

1. Mos të pësohet asnjë gol, ose të paktën mos të pësohet goli i parë i takimit

2. Publiku duhet ta “shndërrojë” stadiumin “Santiago Bernabeu” në një ferr

3. Lojtarët nuk duhet të merren me arbitrin, por të kenë kujdes me kartonat

4. Të shfrytëzohet loja me topa të lartë, ku Real Madrid është i avantazhuar

5. Sytë të qëndrojnë “të ngjitur” tek topi

6. Të mbyllen të gjitha hapësirat

7. Intensitet, presion, vertikalizime dhe shumë ritëm

8. Sforcim maksimal dhe lëvizshmëri

9. Përqendrim dhe koordinim i lëvizjeve

10. Vetëbesim. Nuk duhet luajtur me ndjenjën e ankthit