Elbasani ne Kruje luajne titullaret
Futbollistet e Elbasanit kane bere nje hap mbrapa. Edhe pse gjate gjithe javes kercenuan me bojkot per shkak te kater rrogave te prapambetura ata vendosen te zbresin ne fushe ne sfiden me Kastriotin. Gjithcka ka ardhur me miratimin e shefit te klubit Artim Kovaci por mbi te gjitha pas garancise se marre nga kryebashkiaku i Elbasanit Qazim Sejdini. Ky i fundit mori persiper shlyerjen e te gjitha pagesave duke u premtuar senatoreve zgjidhjen e problemeve financiare.
Te pakten edhe nje jave skuadra verdheblu do te vazhdoje te luftoje me te gjitha forcat per mbijetesen ne Kategorine Superiore. Per sfiden e javes se 14-te te kampionatit qe do te zhvillohet sot ne fushen e Krujes lojtaret kane pranuar te jene nen urdhrat e trajnerit Krenar Alimehmeti. Duke filluar prej se henes ata kane kercenuar se do te bojkotonin ndeshjet per shkak te rrogave te pashlyera per muajt shtator tetor nentor dhe dhjetor. Problemet u bene edhe me te dukshme pas largimit te presidentit Arben Laze i cili konfirmoi se do te shese aksionet e tij. Fillimisht ekipi ka vendosur qe te mos zhvilloje stervitje ne ambientet e klubit duke preferuar te mbanin trupin ne forme me seanca private ndersa me pas gjithcka mori formen e ultimatumit ne ndeshjen e kthimit ne Kupen e Shqiperise. Ne sfiden e fazes se 1/8-ve Elbasani u paraqit ne Shkoder vetem me futbolliste te ekipeve zinxhir. Nje tablo e tille parashikohej edhe per perballjen me Kastriotin madje pothuajse te gjithe elementet kryesore kercenonim me largimin perfundimtar nga skuadra. Por gjate se premtes situata ndryshoi per mire. Lojtaret moren OK-in e shefit te klubit Artim Kovaci se problemet financiare do te zgjidheshin. Gjithsesi burime prane klubit nenvijezuan se vendimtar ka qene nje takim i tre-kater futbollisteve kryesore te skuadres me kryetarin e Bashkise Qazim Sejdini. Ky i fundit ka marre persiper rregullimin e situates duke premtuar se do te behen te gjitha shlyerjet e pagesave te prapambetura.
Sapo kane marre garanci nga Sejdini te gjithe futbollistet jane paraqitur ne stervitjen e djeshme per te pergatitur sfiden me Kastriotin. Gjithsesi vendimi i skuadres per te mos e bojkotuar ndeshjen e kampionatit vazhdon te cilesohet si nje zgjidhje momentale per aq kohe sa ceshtje ekonomike nuk eshte zgjidhur plotesisht. Ne anen tjeter mbeten edhe shume pikepyetje per paraqitjen e sotme te verdhebluve. Kjo per faktin e thjeshte se trajneri Alimehmeti ka pasur vetem pak ore ne dispozicion per te pergatitur ndeshjen duke qene se lojtaret benin stervitje te vecante.