Elbasani perjeton emocione te Peshengritjes
ELBASAN. Kampionati i 50-te Kombetar i Peshengritjes, per meshkuj dhe femra, eshte zhvilluar ne pallatin e sportit "Tomorr Sinani", ne Elbasan. Sipas sekretarit te Federates Shqiptare te Peshengritjes, Ilir Kraja, ne kete kampionat moren pjese 10 ekipe te peshengritjes per meshkuj dhe tre ekipe te peshengritjes per femra. Ne garen e meshkujve, garuan sportiste te ekipeve te Vllaznise, Elbasanit, Tiranes, Partizanit, Flamurtarit, Beratit, Peqinit, Teutes, Sukthit dhe Skenderbeut. Ne garen e femrave ishin pjesemarrese ekipet e Teutes, Tiranes dhe Partizanit. Konkurruan gjithsej 11 femra dhe 39 sportiste meshkuj. Per ecurine sekretari Kraja, shprehet: "Mjaft interesante gjate konkurrimit ishte gara e sportisteve, Hysen Pulaku, Erkand Qerimaj, Endri Haxhihyseni, Endri Karina, Elis Tabaku, Feliz Brahimaj. Por edhe ne garat e femrave ka pasur emocione. Sportiste elitare, si Romela Begaj dhe Sherjana Ruci, krijuan diference me rivalet e tyre." Fatos Salliu