Emetimi i parase elektronike, miratohet rregullorja

Pagesat ne banka ne menyre elektronike po masivizohen gjithnje e me shume. Ndaj dhe Banka e Shqiperise ka miratuar dje nje rregullore, me te cilen synohet permiresimi i kuadrit rregullativ per emetimin dhe perdorimin e instrumenteve te pagesave elektronike. Ne ndryshim nga rregullorja ekzistuese, ky akt rregullon me dispozita te vecanta marredhenien midis bankes pranuese dhe tregtarit. Ne zbatim te marreveshjeve midis bankave dhe shoqerive nderkombetare te kartave si Visa, Mastercard etj., banka mund te kete funksion emetues (ne marredhenie me mbajtesin e instrumentit te pagesave elektronike), funksion pranues (ne marredhenie me tregtarin), ose te dyja funksionet njekohesisht. Objekti i rregullores se re eshte percaktimi i standardeve te transparences ndaj klientit lidhur me kushtet, rregullat dhe procedurat e kryerjes se pagesave nepermjet instrumenteve te pagesave elektronike ne Republiken e Shqiperise, si dhe menyren e mbrojtjes dhe raportimit te informacionit gjate perdorimit te tyre. Ne rregullore jane shtjelluar me dispozita te vecanta karakteristikat e parase elektronike, llojet e instrumenteve te parase elektronike dhe marredheniet midis paleve kontraktore. Instrumentet e parase elektronike, perbejne nje instrument relativisht te ri ne sherbimet e pagesave elektronike. Eksperienca e shteteve te huaja dhe rekomandimet e BE-se i njohin te drejten e emetimit te parase elektronike edhe institucioneve te parase elektronike (institucione financiare ose kompani), pervecse bankave, duke i kushtuar mjaft vemendje monitorimit te institucionit te parase elektronike, jo-banke, per mbrojtjen e konsumatorit. Aktualisht, ne Shqiperi asnje banke nuk ka emetuar para elektronike, por rregullorja synon krijimin e kuadrit rregullativ per emetimin ne te ardhmen te instrumenteve te parase elektronike.