Goditen 2 banda, 5 ne pranga
Dy banda grabitesish jane goditur dje nga policia e Shkodres. Gjate aksionit ne qytetin e Shkodres jane arrestuar 20-vjecaret Sokol Shkami dhe Skender Arra, ndersa ne Puke jane kapur Shkelzen Gjoni, Zamir Vila dhe Edmond Ndoj. Sipas burimeve nga uniformat blu, personat qe mbaheshin nen vezhgim dyshohen per nje sere vjedhjesh me arme ne rrethinat e Shkodres, Pukes dhe Tiranes. Aksionet per kapjen e tyre jane zhvilluar paralelisht, pas urdher-arrestimeve te firmosura nga Prokuroria e Rrethit te Shkodres.
Dy te rinj nga qyteti i Shkodres dyshohen si autore te disa grabitjeve te kryera ne bashkepunim me njeri-tjetrin, ne periudha te ndryshme. Burime nga policia e Shkodres thane dje se 20-vjecaret Sokol Shkami dhe Skender Arra, banues ne lagjet "Skenderbeg" dhe "Partizani", jane arrestuar ne oret e para te mengjesit te djeshem ne nje automjet, ndersa leviznin me maska ne koke. Te njejtat burime thane se me 30 nentor te vitit te kaluar, dy te rinjte jane identifikuar si grabites ne banesat e vellezerve M. dhe L. Harusha, ne lagjen "Dobrac", te komunes Rrethina te Shkodres. Te njejten veper penale, ata akuzohen ta kene kryer dhe ne nje supermarket ne lagjen "Perlat Rexhepi" te qytetit te Shkodres, prone e Pellumb Gjonit.
Operacioni i zhvilluar ne rrethin e Pukes ka prangosur Shkelzen Gjonin, 20 vjec, banues ne fshatin Gojan i Madh, Zamir Vilen, 20 vjec, banues ne Fushe-Arres dhe Edmond Ndojin, 24 vjec, banues ne fshatin Breg, te komunes Rrape. Policia e Shkodres tha se ata konsiderohen pergjegjes per vjedhjen e nje banese ne pronesi te Nazmi Recit ne Valias te Tiranes, vjedhjen e nje sasie te konsiderueshme teli nga linja elektrike ne fshatin Rraf, te komunes Gjecan, ne Puke, vjedhjen e baneses se Pashke Lushit ne fshatin Gojan, si dhe vepra te tjera penale, te cilat pritet te dokumentohen. Burimet shtuan se gjate operacionit per arrestimin e tre te kerkuarve u sekuestrua nje arme zjarri automatik, model 56, si dhe disa sende dhe orendi te grabitura prej tyre.
Rudina Llazari
Urdher-arrestet pas nje muaj survejimesh
Policia tha se dy grupet kriminale te goditura dje kishin nje te kaluar mjaft te pasur dhe ishin mjaft te rrezikshem. Kjo pasi ata vepronin me maska dhe te armatosur. Per shkak te perdorimit te dorezave, gjurmet e lena prej tyre ne vendngjarje kane qene shume te rralla, cka ka veshtiresuar punen per zbulimin e aktivitetit te tyre. Burime zyrtare nga Policia e Shkodres thane dje se anetaret e dy grupeve dyshohet se kryenin grabitje makinash, vjedhje banesash, krime kunder personit, ku nuk mungonte dhe ushtrimi i dhunes ndaj personave te tjere gjate grabitjeve. Perpara se te leshoheshin urdher-arrestet, jane dashur me shume se nje muaj hetime, ndersa kapja e tyre pritet te zbardhe edhe vepra te tjera ende te pazbuluara.
Te arrestuar:
Sokol Shkami, 20 vjec
Skender Arra, 20 vjec
Shkelzen Gjoni, 20 vjec
Zamir Vila 20 vjec
Edmond Ndoji, 24 vjec
Materialet e sekuestruara:
1 arme zjarri automatike model 56
1 kreher me fisheke te vendosur ne te
1 telefon celular "Motorola", i vjedhur
1 frigorifer i vjedhur
Nje sasi teli bakri e vjedhur
4 banda ne 5 dite
Disa dite me pare, policia e Shkodres njoftoi per shpartallimin e 2 bandave te tjera te armatosura, qe vepronin ne rrethinat e Shkodres dhe Malesise se Madhe. Operacioni coi ne arrestimin e 8 personave, ndersa u sekuestrua nje mori armesh, pajisjesh qe perdoreshin per grabitje, si dhe sende te vjedhura. Te gjithe te arrestuarit ishin te moshave nga 16-38 vjec. Ata akuzohen se jane implikuar edhe ne grabitje me arme dhe pengmarrje, ndersa hetimet jane ne vijim.