Viti 2008, cmimi i naftes 80 USD per fuci

Blerina Hoxha
Nafta bruto gjate 2008 do te shitet ne tregjet nderkombetare mesatarisht me 80 dollare per fuci. Parashikimin per ecurine e cmimit e ka bere grupi i analisteve te "Raiffeisen Bank", ne Viene. Gjithashtu, parashikimet e Agjencise Nderkombetare te Energjise lajmerojne nje rritje te kerkeses globale per nafte rreth 2,3% ne 2008, por rritja e prodhimit nga vendet eksportuese te naftes pritet te jete me e madhe se 2,8%. Mirepo, RZB parashikon se nafta do te kete serish nje trend rrites gjate 2009, ku pritet qe nje fuci te shitet me 90 USD, per shkak te rritjes se kerkeses globale me shume sesa mund te perballoje oferta. Gjate vitit 2008, kerkesa per nafte nuk pritet te rritet me ritme te larta, per shkak te recensionit qe po perjeton ekonomia globale. Aktualisht, cmimi i naftes ne tregjet nderkombetare ka filluar prirjet renese. Nje fuci ka kushtuar dje me 88 USD, nga 97 qe ishte nje muaj me pare, dhe kjo per shkak recensionit ekonomik ne SHBA. Situata ne Shqiperi ka pak gjasa per ndryshim, pasi duke iu referuar tradites historike, grosistet e rrisin menjehere cmimin, kur ne tregun nderkombetar vlerat jane te larta, por nuk reagojne ne te njejten menyre kur cmimi ulet. Sipas Bankes se Shqiperise, "norma vjetore e rritjes se cmimit te naftes ne vend eshte me e larte sesa ajo e regjistruar ne tregun nderkombetar, gje qe deshmon per veprimin e faktoreve te tjere te brendshem mbi cmimin e naftes ne vend". Por cfare po qendron pas konstatimeve. Autoriteti i Konkurrences ka filluar nje proces investigimi te thelluar per marreveshjet monopol ne tregun e energjise dhe gazoileve.