Emigrantet sjellin 80 milion euro
Dergesat e emigranteve vazhdojne te shenojne rritje ne krahasim me periudhat e meparshme. Parate qe kane hyre nga emigrantet vetem per gjate muajit te kaluar mendohet te arrijne ne shifrat e 80 milion euro. Te dhenat e fundit zyrtare mbi fluksin e emigranteve tregojne se gjate diteve te fundit te vitit te kaluar ne vendin tone kane hyre rreth 163 mije emigrante, ku ardhja e tyre ka rritur dhe vellimin e valutes se huaj. Shifra del sipas perllogaritjeve qe jane kryer nepermjet nje ankete nga Banka e Shqiperise mbi te ardhurat e emigranteve. Sipas ketij studimi te kryer nga Banka e Shqiperise rezulton se te ardhurat mesatare vjetore te emigranteve kapin vleren e 5800 eurove. Nga kjo rezulton se te ardhurat mujore te emigranteve te arrijne ne vleren e rreth 500 eurove. Shifra mesatare mbi dergesat e emigranteve eshte publikuar nga anketimi qe ju eshte bere rreth 180 mije familjeve ne vend. Pra duke u nisur nga kjo shifer mesatare e prurjeve te emigranteve dhe numrit te larte te tyre qe kane hyre ne vendin tone mendohet se prurjet ne valute te tyre te kapin shifren e 80 milion euro. Shifra per kete vit paraqitet me e larta ne krahasim me nje vit me pare ku remitancat e emigranteve kapnin vleren e rreth 66 milion eurove. Nderkaq kjo shume perfshin vetem dergesat e emigranteve qe ato ju japin familjeve te tyre, duke hequr menjane shpenzimet qe ata kryejne gjate diteve te qendrimit ne vend. Ne keto shpenzime perfshihen ato per karburant, ushqim , udhetime. Kryesisht studimet e Bankes se Shqiperise tregojne se shperndarja e remitancave eshte me e larte ne zonat urbane duke kaluar nivelin e 57 per qind kurse pjesa tjeter shkon per zonat rurale. Po ashtu vihet re se te ardhurat e emigranteve gjithnje e me shume shkojne per blerjen e mallrave te konsumit , duke lene menjane kryerjen e investimeve me leket qe ata sjellin. Ekspertet e ekonomise kete fakt e argumentojne edhe me forcimin e larte te monedhes vendase gjate kesaj periudhe si rezultat i prurjeve te larta te emigranteve. Forcimi i lekut nje fenomen ky i pashmangshem gjate kesaj periudhe shmang emigrantet qe te ardhurat e tyre ti faturojne per investime. Po ashtu fluks te larte dergesat e emigranteve shenojne edhe gjate muajit maj, per shkak te festave fetare. Nderkaq rritja e te remitancave te emigranteve vazhdon te tregoje nivelin e ulet te te ardhurave te familjeve shqiptare. Nderkohe qe dergesat e emigranteve ne shifra te konsiderueshme jane perdorur per blerjen e mallrave te konsumit qe vijne nga jashte. Tashme skema e prurjeve te emigranteve eshte dominuese ne ekonomine shqiptare, nje praktike kjo e cila eshte kritikuar dhe nga Fondi Monetar. Pervec prurjeve te emigranteve shqiptare, nje shifer te konsiderueshme ne vellimin e tyre e zene edhe te ardhurat nga emigrantet e vendeve te tjera. Kryesisht jane te ardhurit nga shtetet fqinje si Maqedonia, Kosova apo dhe Mali i Zi qe nga viti ne vit regjistrojne shifra te konsiderueshme te te ardhurave te tyre. Pervec prurjeve te emigranteve shqiptare, nje shifer te konsiderueshme ne vellimin e tyre e zene edhe te ardhurat nga emigrantet e vendeve te tjera. Kryesisht jane te ardhurit nga shtetet fqinje si Maqedonia, Kosova apo dhe Mali i Zi qe nga viti ne vit regjistrojne shifra te konsiderueshme te te ardhurave te tyre.