Bien sirenat e alarmit

Drejtorite e shendetit publik marrin ne dore emergjencat civile. Ne kater dite mbi 10 te vdekur. Ngrihen grupe pune, sherbim 24 ore
Zonat veriore te vendit kane vazhduar edhe gjate dites se djeshme te jene nen trysnine e motit te keq te pershkallezuar me reshje te medha debore dhe bllokim te akseve kombetare. Megjithe nderhyrjen e shtabit te emergjences, situata vazhdon te jete problematike. Per fat te mire deri ne oret e fundit nuk eshte raportuar asnje emergjence civile nderkohe qe moti sa vjen e ashpersohet. Per te perballuar sa me mire gjendjen, Ministria e Shendetesise ka ngritur ne cdo drejtori te shendetit publik ne rrethe grupe te posacme pune. Ne nje konference per shtyp, kreret e kesaj ministrie jane shprehur se jane marre te gjitha masat per nje sherbim te specializuar mjekesor, per t'u ardhur ne ndihme banoreve ne nevoje ne zonat e thella malore te bllokuara nga debora. Aktualisht dikasteri i shendetesise ka vene ne gatishmeri numer 1 te gjitha autoambulancat dhe helikopteret. Vetem ne ditet e para te ketij viti numri i viktimave te shkaktuara nga aksidentet e ndodhura si pasoje e kushteve jo te mira atmosferike ne rruget kombetare ka qene mbi 20 persona. Kjo e ka detyruar dikasterin e shendetesise qe te mbaje ne gatishmeri pergjate gjithe dites spitalet rajonale ne vend. Njekohesisht ne gatishmeri jane edhe grupet e ngritura ne spitalet qe kufizojne zonat problematike. Grupet e emergjences te cilet komandohen nga drejtoret e shendetit publik, kane ne perberje te tyre mjeke te urgjences dhe te specialiteteve te ndryshme. Gjithashtu, ne ndihme te nevojave dhe emergjencave civile shendetesore, Ministria e Shendetesise ka vendosur te jete edhe njesia e helikoptereve, e ambulancave dhe grupe te posacme mjekesore te Tiranes. Sipas Ministrise se Shendetesise funksioni i grupeve te emergjences nuk do te jete vetem dhenia e ndihmes se pare mjekesore por edhe koordinimi me strukturat e tjera vendore sic mund te jene KESH-i, Nderrmarrja e Ujesjellesit etj.