Emrat e fituesve te testimit me shkrim te Patrulles se Pergjithshme
TIRANE - Policia e Shtetit ka shpallur dje, fituesit e fazes se pare te testit me shkrim per Patrullen e Pergjithshme. Burime zyrtare thane se, testimi me shkrim i kandidateve qe kane aplikuar per te ndjekur studimet ne Shkollen Baze te Policise, per Patrulle te Pergjithshme nga qarqet Fier, Vlore, Berat dhe Gjirokaster, u zhvillua ne Fier. Ketij testimi ju nenshtruan 152 aplikante nga keto qarqe, te ndare ne dy grupe. Ne perfundim te konkurrimit te dites se djeshme jane shpallur fituesit e testimit me shkrim 68 aplikante, te cilet arriten te grumbullonin mbi 60 pike. Ashtu sikunder dhe ne vitet e meparshme korrigjimi i testimit u realizua me skaner dhe kandidatet u njohen me rezultatin brenda dites. Kandidatet e shpallur fitues te testimit me shkrim do t'i nenshtrohen fazave te metejshme te konkurrimit. Aplikantet qe rezultuan fitues te testimit me shkrim, do t'i nenshtrohen testimit fizik diten e sotme, ne stadiumin e qytetit te Lushnjes. A. C