Emri, Andov: Nuk heq dorë nga strategjia

Ish-kryetari i Parlamentit të Maqedonisë dhe deputeti, Stojan Andov sërish insiston dhe nuk heq dorë nga strategjia për zgjidhjen e çështjes së emrit. "Shtetet e Bashkuara të Amerikës dhe Bashkimi Evropian nuk na mendojnë të keqen me porosit e tyre për ta zgjidhur çështjen e emrit. Nëse ata nuk do të ishin miq tanë, Maqedonia nuk do të ekzistonte", vlerëson deputeti Andov duke këmbëngulur që lidhur me kontestin e emrit të dëgjohet bashkësia ndërkombëtare. Ai gjithashtu apeloi për partitë politike që të pajtohen dhe arrijnë në konsensus rreth propozim strategjisë shtetërore për emrin.